Գիրք նվիրելու օրվան ընդառաջ՝ փետրվարի 15-ին, Հայաստանի պատմության թանգարանում տեղի կունենա
2021թ. թանգարանի կողմից հրատարակված գրքերի շնորհանդես-վաճառք:
Շնորհանդես-վաճառքին ներկայացվելու են.
Ա. Իսրայելյանի «Հայուհիների զարդերը XVIII-XX դդ․ (ըստ Հայաստանի պատմության թանգարանի հավաքածուի)» կատալոգը,
Մ. Կիրակոսյանի «Հայաստանի պատմության թանգարանի ազգագրության ֆոնդի մետաղե իրերի հավաքածուն» (XV-XIX դդ․) կատալոգը,
Ա. Զոհրաբյանի «Հայաստանի դրամական տնտեսությունը 3-10-րդ դդ. (սասանյան, արաբական շրջան)» ատենախոսությունը,
Սմբատ Բորոյանի (Մախլուտո) «Յուշիկք հայրենեաց» (նախաբանը՝ Ս. Գալստյանի, ծանոթագրությունները՝ Տ. Ղանալանյանի) գիրք-հուշագրությունը,
«Աշխատություններ Հայաստանի պատմության թանգարանի» պարբերականը:

Միջոցառման ընթացքում հեղինակները հանդես կգան իրենց գրքերի վերաբերյալ զեկույցներով։