Տարբեր դարաշրջանների թաղման կառույցները, դրանցում կատարված հուղարկավորումները և ուղեկցող գույքն անգնահատելի տեղեկություններ են հաղորդում տվյալ ժամանակաշրջանի հասարակության նյութական և հոգևոր մշակույթի վերաբերյալ: Հայաստանի անտիկ ժամանակաշրջանի թաղման տարատեսակ կառույցների (հիմնահողային, սալարկղային, քարարկղային և այլ) շարքում կարասային թաղումները գերիշխող են դառնում: Այս թաղումները ուշ հելլենիստական շրջանում գրավում են ընդարձակ մի տարածաշրջան, ներառելով նաև Անդրկովկասը, ընդհուպ մինչև Կուր գետ՝ տարբեր տարածքներում ձեռք բերելով որոշակի առանձնահատկություններ:

Բանախոսության ընթացքում կներկայացվեն կարասային թաղման ծեսը, բնութագրական գծերը և տարածման արելը: Հատուկ անդրադարձ կարվի Արցախի Տիգրանակերտի, ինչպես նաև տարածաշրջանի այլ բնակավայրերից վերջին տարիներին հայտնաբերված կարասային թաղումներին: