Օգոստոսի 29-ին՝ ժամը 12։00-ին, Հայաստանի պատմության թանգարանի «Դրվագներ ինքնության․ գորգ» խորագրով ցուցադրության սրահում տեղի կունենա թանգարանի գործընկեր «Մեգերյան կարպետ» մշակութային համալիրի հետ համագործակցությամբ ամիսներ շարունակ վերոնշյալ ցուցասրահում գործված գորգի կտրման և նվիրատվության հանդիսավոր արարողությունը։ Գորգը գործվել է 17-րդ դարով թվագրվող, Արցախի մետաքսե ծածկոցի նմանությամբ։
Գորգի կտրման հանդիսավոր արարողությանը կհաջորդի Հայաստանի պատմության թանգարանի Ազգագրության բաժնի գիտաշխատող, պ․գ․թ․ Լիլիա Ավանեսյանի բանախոսությունը։