Արմեն Կառլենի Հովսեփյան (1987 թ. ապրիլի 3, Կոտայքի մարզ, ք. Հրազդան – 2020 թ. հոկտեմբերի 24, Ֆիզուլի/Վարանդա/):
1985 – 1996 թթ. հաճախել է Հրազդանի թիվ 13 միջնակարգ դպրոց: 1996 թ. զորակոչվել է բանակ: 1996-1998 թթ. ծառայել է Գյումրու զինված ուժերում: 2001-2013 թթ. Արմենն աշխատել է Հրազդանի ճանապարհաշինարարական ընկերությունում: 2014 թ. Արմենը մեկնում է Մոսկվա՝ արտագնա աշխատանքի, որտեղից վերադառնում է հոր մահվան պատճառով: Արմենն ամուսնացած էր, ուներ երեք երեխա: Վերջինի ծնվելուն Արմենը շատ երկար ու անհամբեր էր սպասել. Դա նրա բաղձալի երազանքն էր: Նա միշտ ասում էր. «Հորը միայն աղջիկն է շատ սիրում: Բա մարդու վրա լացող չլինի՞»: Ավա՜ղ, Արմենի դուստրը ընդամենը 5 տարեկանում ճաշակեց որբության դառնությունը, երբ նույնիսկ չէր հասկանում, թե ինչ է նշանակում մահը: Արմենը դստեր ծննդյան օրը՝ սեպտեմբերի 29-ին մեկնեց պատերազմի դաշտ: Սկզբում մասնակցել է Մարտունիի ինքնապաշտպանական մարտերին, ապա տեղափոխվել Ֆիզուլի (Վարանդա): Ծանր ու դաժան մարտերի ժամանակ Արմենն իր կյանքի գնով առաջին օգնություն է ցուցաբերել ընկերներին: Հոկտեմբերի 24-ին զոհվեց Արմենը: Ցավալի է, որ նրա դին ոչ մի կերպ չէին կարողանում գտնել: Երկար փնտրտուքից հետո ՝ 40 օր անց, հերոսի մարմինը գտան և հողին հանձնեցին հարազատ Լեռնանիստ գյուղում:
