Բացատրությամբ շրջայցի տոմս կարելի է գնել թանգարանի դրամարկղից այցելության օրը: Բացատրությամբ շրջայցերը անցկացվում են Հայաստանի պատմության թանգարանի էքսկուրսիոն աշխատանքների կազմակերպման բաժնի կողմից բոլոր աշխատանքային օրերին:  Առաջարկվում են բացատրությամբ շրջայցեր՝ հայերեն, ռուսերեն, անգլերեն, ֆրանսերեն, գերմաներեն, իտալերեն լեզուներով:

Բացատրությունն ընդգրկում է թանգարանի ամբողջ ցուցադրությունը, որը ներկայացնում է Հայաստանի մշակույթի և պատմության ամբողջական պատկերը նախապատմական ժամանակներից` 1.8 միլիոն տարի առաջ, մինչև մեր օրերը: Շրջայցը սկսվում է ճիշտ նշանակված ժամին:

Բացատրությամբ շրջայց կարելի է նախապես ամրագրել հետևյալ տարբերակներով.

• էլեկտրոնային նամակով`   booking@historymuseum.am

• հեռախոսահամարով`  +374 (55) 52 06 91

• առցանց տոմսերով

Խմբակային այցերի դեպքում մեկ խմբում այցելուների  առավելագույն քանակը  չպետք է գերազանցի 25-ը, բացառությամբ դպրոցական տարիքի երեխաների խմբերի:

• Թանգարանի պաշտոնական կայքից  առցանց կարող եք գնել տոմս և բացատրությամբ տոմս:
• Տոմսի առցանց գնման պրոցեսի ավարտից հետո Ձեր էլեկտրոնային հասցեին կստանաք էլեկտրոնային տոմս:
• Էլեկտրոնային տոմսը կարող եք ներկայացնել թանգարան թե տպագիր, թե էլեկտրոնային տարբերակով:
• Տոմսերի առավելագույն քանակը մեկ առցանց գնման դեպքում  չպետք է գերազանցի 25-ը:
• Խմբային այցի դեպքում էլեկտրոնային տոմսեր գնելիս չի պահանջվում նշել բոլոր այցելուների անունները, բոլոր էլեկտրոնային տոմսերը կլինեն գնումը կատարողի անունով և պիտի օգտագործվեն նույն օրը:
• Գնված տոմսը (բացառությամբ բացատրությամբ տոմսի) 180 օրվա ընթացքում` սկսած գնման պահից, թանգարան  մեկանգամյա մուտքի հնարավորություն է տալիս:
• Տոմսը թույլ է տալիս մուտք գործել թանգարանի բոլոր սրահներ:
• Հնարավոր չէ կատարել անվճար այցելության արտոնությամբ տոմսերի առցանց գնում. անվճար տոմսեր կարող եք ձեռք բերել դրամարկղից` ներկայացնելով անձը և կարգավիճակը հաստատող փաստաթղթերը (անվճար այցելության արտոնությամբ տոմսերի մասին տեղեկություն կարդացեք ստորև):
• Բացատրությամբ շրջայցի առցանց գնումը հնարավոր է միայն առաջարկված ժամերին:
• Շրջայցը սկսվում է ճիշտ նշանակված ժամին:
• Հանդիպման վայրն է թանգարանի գլխավոր մուտքը:
• Նշանակված ժամից ուշանալու դեպքում այցելուն կարող է կորցնել  բացատրությամբ շրջայցին մասնակցելու հնարավորությունը, բայց կարող է մուտք գործել թանգարան:
• Առցանց գնված տոմսերը չեն վերադարձվում:

Անվճար այցելության արտոնությունից օգտվում են (անձը և կարգավիճակը հաստատող փաստաթղթի առկայությունը պարտադիր է)`

•  Թանգարանների միջազգային խորհրդի անդամները (ԻԿՕՄ), թանգարանների աշխատողները, երկկողմանի ծնողազուրկ երեխաները, հատուկ խնամքի և կենցաղային սպասարկման կարիք ունեցող ծերերը, Երկրորդ համաշխարհային պատերազմի մասնակիցները (Հայաստանի Հանրապետության և նախկին ԽՍՀՄ պետությունների), Հայաստանի Հանրապետության և Լեռնային Ղարաբաղի Հանրապետության տարածքներում մարտական գործողությունների ժամանակ ծառայողական պարտականությունները կատարելիս զոհված զինծառայողների ընտանիքների անդամները, հաշմանդամները` 1-ին խմբի (ուղեկցողի հետ), հաշմանդամները` 2-րդ և 3-րդ խմբերի (առանց ուղեկցողի), աղքատության (ընտանեկան) նպաստի համակարգում ընդգրկված նպաստառուները, բազմազավակ ընտանիքների երեխաները, ժամկետային զինծառայողները, Հայաստանի Հանրապետության սահմանամերձ շրջանների դպրոցական տարիքի երեխաները (նախօրոք ներկայացված հայտերի հիման վրա), լրագրողները` աշխատանքային պարտականությունները կատարելիս, նախադպրոցական տարիքի երեխաները  աշխատանքային բոլոր օրերին,
• Պետական պաշտոնական պատվիրակությունները,
• ՀՀ քաղաքացիները  յուրաքանչյուր ամսվա վերջին շաբաթ օրը (բացառությամբ` մայիս և սեպտեմբեր ամիսների),
• Դպրոցական խմբեր ուղեկցող դասվարը աշխատանքային բոլոր օրերին: