Բացման խոսքով հանդես եկավ Հայաստանի պատմության թանգարանի գիտական գծով փոխտնօրեն Նժդեհ Երանյանը, ով իր ելույթում կարևորեց Ամանորի ավանդույթների ուսումնասիրման դերը մշակութային ժառանգության և ազգային ինքնության պահպանման համատեքստում:

Բանախոսության ընթացքում ներկայացվեց Ամանորի ավանդական հայկական խոհանոցի ձևավորումն ու զարգացումը: Անդրադարձ կատարվեց տոնական կենցաղի կազմակերպման առանձնահատկություններին, Ամանորի սոցիալ-մշակութային ընկալմանը, ինչպես նաև ժամանակի ընթացքում արձանագրված շարունակականություններին և փոփոխություններին։ Վերլուծության շրջանակում ամանորյա ուտեստներն ու համային նախասիրությունները մեկնաբանվեցին որպես մշակութային հաղորդակցության յուրօրինակ լեզու, որի միջոցով արտացոլվում են ժամանակի, ինքնության և ազգային հիշողության կառուցման գործընթացները։

Բանախոսության ավարտին տեղի ունեցավ հարցուպատասխան, որի ընթացքում ունկնդիրները հնարավորություն ունեցան բարձրաձայնելու թեմային առնչվող իրենց հարցերն ու դիտարկումները։