Մարտի 11-ին՝ ժամը 17:00-ին, «Հողի գաղտնիքը. Արտաշատը մշակույթների խաչմերուկում» խորագրով ցուցահանդեսի շրջանակներում Հայաստանի պատմության թանգարանում տեղի ունեցավ բանախոսություն՝ «Հայաստանի անտիկ շրջանի կարասային թաղումների մշակույթը. ներածական դրույթներ» թեմայով։ Բանախոսությամբ հանդես եկավ պ.գ.թ., ՀՀ ԳԱԱ Հնագիտության և ազգագրության ինստիտուտի Արցախի ժառանգության հետազոտության խմբի գիտաշխատող Արմինե Գաբրիելյանը:                                                                                                                                                                                                                                                                                              Բանախոսության ընթացքում ներկայացվեցին կարասային թաղման ծեսը, բնութագրական գծերը և տարածման արելը: Հատուկ անդրադարձ արվեց Արցախի Տիգրանակերտի, ինչպես նաև տարածաշրջանի այլ բնակավայրերից վերջին տարիներին հայտնաբերված կարասային թաղումներին: Նույն օրը «Հողի գաղտնիքը. Արտաշատը մշակույթների խաչմերուկում» ցուցադրությունը համալրվեց նոր ցուցանմուշով։