Կոնաձև «շաքարները » նախշազարդված են, գրված են նորապսակների անվանատառերը (Խաչիկ Անտոնյան և Մարիամ Տեր-Նիկողոսյան), ամուսնության տարեթիվը: Ծիսական «շաքարները» հարսանյաց հանդեսի ժամանակ դրվում էին նորապսակների սեղանին: Հավաքածու : Ազգագրական հավաքածու Ժամանակաշրջան : Նոր շրջան ( XX դ. սկիզբ) Տարածաշրջան : Գաղթավայրեր (Նոր Ջուղա) Նյութ : Մեղրամոմ, շաքար, ոսկի Ինվենտար # : Ա 11572/432ա,բ
Թավշե կտորի վրա ամրացված են զուգաթելի եղանակով պատրաստված զարդեր: Ճարմանդն ունի փնջաձև երեք կախիկ: Հավաքածու : Ազգագրական հավաքածու Ցուցասրահ : Հայկական տարազ XVIII – XIX դդ. Ժամանակաշրջան : Նոր շրջան ( XIX դ. սկիզբ) Տարածաշրջան : Վասպուրական (Վան) Նյութ : Արծաթ, ոսկի, թավիշ Ինվենտար # : Ա 9393
Լայն իրանով, նեղ, երկար վզով սափորի ողջ մակերեսը նկարազարդված է թեփուկների նման նախշերով: Իրանի կենտրոնում, երկու տեղ, սպիտակ ֆոնի վրա ոճավորված մեծ ծաղկանախշեր են: Հավաքածու : Ազգագրական հավաքածու Ցուցասրահ : Հայկական կիրառական արվեստ XV – XIX դդ.. Ժամանակաշրջան : Նոր շրջան ( XIX դ. սկիզբ) Տարածաշրջան : Գաղթավայրեր (Կուտինա) Նյութ : Հախճապակի, ջնարակ Ինվենտար # : Ա 8655
Պատրաստվել է Մոսկվայում Հովսեփ արքեպիսկոպոս Արղությանի պատվերով, ով էլ մասնատուփը նվիրել է Հաղպատի վանքին: Ըստ մասնատուփի վրայի հիշատակագրության տուփի մեջ կան սրբերի մասունքներ և մի կտոր խաչափայտից: Հավաքածու : Ազգագրական հավաքածու Ցուցասրահ : Քրիստոնյա Հայաստանը IV – IX դդ. Ժամանակաշրջան : Նոր շրջան (1797թ.) Տարածաշրջան : Լոռի (Հաղպատի վանական համալիր) Նյութ : Արծաթ, ոսկի, նռնաքար, ապակի Ինվենտար # : Ա 6806
1920թ. Ալեքսանդրիա այցելության ժամանակ տեղի հայ համայնքը Անդրանիկ Օզանյանին է նվիրել այս թուրը: 1926թ. Զորավար Անդրանիկը սուրը ՀՕԿ-ի պատասխանատու քարտուղար Գրիգոր Վարդանյանի միջոցով նվիրել է Հայաստանի պատմության թանգարանին: Հավաքածու : Ազգագրական հավաքածու Ցուցասրահ : 1915թ. Հայոց ցեղասպանությունը Ժամանակաշրջան : Նոր շրջան (1919թ.) Տարածաշրջան : Գաղթավայրեր (Ալեքսանդրիա, Եգիպտոս) Նյութ : Ոսկի, պլատին, փղոսկր, պողպատ, ադամանդ, ռուբին, մարգարիտ, շափյուղա Ինվենտար # : Ա 4345
Բաժականման անոթ է, մեկ կանթով: Կենտրոնով անցնող գնդաձև ելուստներով զարդագոտին մակերեսը բաժանում է երկու մասի, ներքևի մասում ծաղկանախշեր են, վերևում՝ նոճիների պատկերներ: Հավաքածու : Ազգագրական հավաքածու Ցուցասրահ : Հայկական կիրառական արվեստ XV – XIX դդ. Ժամանակաշրջան : Նոր շրջան ( XIX դ. սկիզբ) Տարածաշրջան : Բարձր Հայք (Կարին) Նյութ : Փայտ Ինվենտար # : Ա 4313
Սկավառակաձև քշոցի ողջ մակերեսը ցանցկեն նախշազարդեր ունի: Երկու երեսներին էլ հայերեն հիշատակագրություններ կան: Հավաքածու : Ազգագրական հավաքածու Ցուցասրահ : Քրիստոնյա Հայաստանը IV – IX դդ. Ժամանակաշրջան : Նոր շրջան (1632թ.) Տարածաշրջան : Լոռի (Սուրբ Գրիգոր եկեղեցի, Հաղպատի վանք) Նյութ : Պղինձ Ինվենտար # : Ա 2723
Վարագույրի մակերեսը կամարներով բաժանված է հինգ խորանների: Կենտրոնական խորանում վերից նստած է Աստվածամայրը` մանուկ Հիսուսը գրկին: Նրանցից ցած պատկերված է սուրբ Գևորգը ձիու վրա, ոտքերի տակ՝ գետնատարած վիշապը: Մյուս չորս խորանները և վարագույրի ամբողջ մակերեսը հարդարված է կենդանական, բուսական, երկրաչափական բազմագույն զարդապատկերներով: Անկյուններում չորս ավետարանիչների պատկերներն են: Վարագույրի ամբողջ լայնքով զետեղված է թվակիր արձանագրություն Թիֆլիսի Սուրբ Աստվածածին եկեղեցուն ընծայաբերելու մասին: Հա [...]
Ծածկոցի կենտրոնում՝ ճաճանչավոր շրջանի մեջ, Աստծո Գառն է խաչվառով, շուրջը երկու տողով արձանագրություն է: Մնացյալ մակերեսին ասեղնագործված են քերովբեներ, նորալուսիններ, աստղեր, փաթիլաձև զարդանախշեր, անկյուններում` ծաղկեճյուղեր: Հավաքածու : Ազգագրական հավաքածու Ցուցասրահ : Քրիստոնյա Հայաստանը IV – IX դդ. Ժամանակաշրջան : Նոր շրջան (XVIII) Տարածաշրջան : Էջմիածին Նյութ : բամբակ, մետաքսաթել, մետաղաթել Ինվենտար # : Ա 1711
Սպիտակ բամբակյա սրբիչի երկու եզրերին վարդագույն, երկնագույն, կանաչ երանգավորմամբ մետաքսաթելերով և ոսկեգույն մետաղաթելով ասեղնագործված է հինգ անգամ կրկնվող զարդանախշ: Նավակաձև պատկերի կենտրոնում գույնզգույն թելերով, տարբեր ոճերի ասեղնագործությամբ բանված կլորավուն հորինվածք է, փշատերև ճյուղերով, գույնզգույն ծաղիկներով և տերևներով բոլորված: Սրբիչի եզրերին մետաղաթելով գծանախշի վրա նոճիների շարան է մեկընդմեջ ծաղիկով և տնակով ընդմիջված: Հավաքածու : Ազգագրական հավաքածու Ժամանակաշրջան : Նոր շրջան (XIX [...]