Կնոջ ձուլածո մինիատյուր ֆիգուրա է: Մերկ է, երկարոտն, ոտնաթաթերին ընդգծված են մատները: Գլուխը հարդարված է շքեղ սանրվածքով: Դեմքը` օվալաձև է, քիթը` ուղիղ երկար: Աչքեր նշաձև են, բերանը նշված է գծիկով: Վզին կրում է կրծքից ցած իջնող  կրծքազարդ: Կնոջ ձախ ձեռքում  սափոր է, աջում` գավաթ: Բազուկները զարդարված են կլոր ապարանջաններով: Հավաքածու : Հնագիտական հավաքածու Ցուցասրահ : Ուրարտուն Ք.ա. IX - VI դդ. Ժամանակաշրջան : Ուրարտու (Քա. I հազ. I կես) Տարածաշրջան : Գուգարք - Տավուշ (Այրում) Նյութ : Բրոնզ Ինվե [...]

Կոթողի չորս նիստերին պատկերված է "Երեք մանկունքը հնոցում", պատվանդանին` "Դանիելը առյուծների  գբում" սյուժեները: Պատվանդանի հիմնական` արևմտահայաց նիստի կենտրոնում Դանիելի պատկերն է "Օրանտի" դիրքով` ուղիղ կանգնած, վեր բարձրացրած թևերով: Երկու հսկա կիսադեմերով առյուծները` երախները բաց, լիզում են մարգարեի հագուստները: Նրանց մարմինները պատկերված են հարակից նիստերի ամբողջ մակերեսին: Դանիելի պատկերի հակադիր նիստի վրա խաչի քանդակն է: Դանիելը կրում է երկար զգեստ` զարդանախշված քղանցքներով ու թևերով, լայն [...]

Սյուժեն քանդակված է Սպիտակավոր Սբ Աստվածածին եկեղեցու հարավային ճակատին, որմնաշարքի երեք սալերի վրա: Ձախակողմյան սալին երիտասարդ աղեղնավոր հեծյալը նետահարում է եղնիկին: Ձին առաջ է գնում, իսկ հեծյալն իրանով շրջված է դեպի եղնիկը: Աջակողմյան սալին վիրավոր կենդանին փախչում է` գլուխը ետ շրջած դեպի որսորդը: Հեծյալի հանդերձանքն իշխանական է՝ պիրկ իրանը գրկող երկար բաճկոն, ակնազարդ գոտի, թևին իշխանական ժապավեն: Դեմքը մորուքով է, մազերը խոպոպներով իջնում են ուսերին: Գլխին կրում է սֆերիկ, լայն եզրերով խույ [...]

Խաչի ծավալային քանդակ է`ուղղահայաց թևերի ձգվածությամբ (պակասում է հորիզոնական մեկ թևը): Խաչի ծաղկումը խորհրդանշող ականթի ճոխ թուփը հիմքից դուրս գալով, հասնում է հորիզոնական թևին: Խաչի թևածայրերը հարդարված են ակնազարդ հիշեցնող զույգ շրջանակներով: Նմանատիպ ծավալային խաչաքանդակներ վաղ միջնադարում կանգնեցվել են հուշասյուների վրա:   Հավաքածու : Հնագիտական հավաքածու Ցուցասրահ : Քրիստոնյա (Հայաստանը IV - IX դդ.) Ժամանակաշրջան : Միջնադար (VII դ.) Տարածաշրջան : Արարատ (Դվին) Նյութ : Քար Ինվենտար # : [...]

Կիսալուսնաձև, ուղղանկյուն կախիչով, երիզված է մանր եռանկյունիներով, կենտրոնում երկու շրջանակի մեջ մեկական ութաթև վարդյակներ են: Կախում էին եզան վզից կամ տան դռներին չար աչքից պաշտպանելու համար:   Հավաքածու : Ազգագրական հավաքածու Ժամանակաշրջան : Նոր շրջան (XX դ. սկիզբ) Տարածաշրջան : Գեղարքունիք (գ. Երանոս) Նյութ : Փայտ Ինվենտար # : 4379

Ներկայացված է պտղաբերության հովանավոր աստվածուհի: Նստած է հայացքը դեպի վեր հառած: Գլուխը փոքր է, դեմքը` օվալաձև, տափակ: Ճակատը նեղ է, քիթը` մեծ, ցցված: Աչքերը նշված են կլոր փոսորակներով, բերանը` փոքր ճեղքով: Կարճ պարանոցի շուրջ ոլորուն մանյակի նմանակած ռելյեֆ գծազարդ է: Կրծքամասին կրում է հորիզոնական ուլունքաշարերով զարդ: Կնոջ ուսերն ու թիկունքը ծածկող թիկնոցը եզրագծված է ջուրը և հացահատիկը խորհրդանշող ակոսներով և հատիկաձև զարդանախշերով: Նման արձանիկներն օգտագործվել են ծիսական որոշակի արարողությ [...]

Խաչի ծավալային քանդակ է` Հիսուս Քրիստոսի խաչելության տեսարանով: Հիսուսը` մերկ մարմնով, ուղիղ կանգնած խաչված է գերաններին: Մազերը թափված են ուսերի վրա, այտերն ու ծնոտը` մորուքով ծածկված, թևերը հորիզոնական տարածած: Աչքերը բաց են` առանց ցավի արտահայտության և հոգեկան աղերսի դեպի շրջապատը. այս մանրամասերը «Ամենափրկիչ» կոչված տիպի հին շրջանին բնորոշ հատկանիշներ են: Ձեռքերը, ոտքերի թաթերը և կուրծքը մեխերով գամված են: Հիսուսի ոտքերի տակ Ադամի սիմվոլիկ գերեզմանն է, որի վրա ըստ ավանդության բարձրացվել է Հի [...]

  Կաշվե այս ոտնամանը հայտնաբերվել է 2008-ին: Ըստ պեղող հնագետների ոտնամանը թվագրվում է Ք.ա. 3600- 3500թթ.` հիմք ընդունելով Կալիֆորնիայի և Օքսֆորդի համալսարանների Սպեկտրոմետրիկ լաբորատորիաներում արված ռադիոկարբոնային քննությունը: Սա գիտնականներին թույլ է տալիս զարմանալի պահպանվածությամբ մեզ հասած այս բացառիկ գտածոն համարելու աշխարհի հնագույն կաշվե ոտնամանը: Վայոց Ձորի մարզի Արենի-1 կոչվող քարայրում 2007-ից առայսօր շարունակվում են հնագիտական պեղումները: Արշավախմբի կազմում են Հայաստանի ԳԱԱ Հնա [...]