Ձիասանձի մասն ուղղանկյունաձև է, քառանկյուն և շրջանաձև կտրվածքներով: Սանձի մի ծայրն ավարտվում է գրիֆոնի քանդակով, մյուս ծայրում ձիու ոճավորված գլուխ է: Հավաքածու : Հնագիտական հավաքածու Դարաշրջան ։ Ք․ա. 8-7-րդ դդ․ Տարածաշրջան : Գեղհովիտ Նյութ : Բրոնզ Ինվենտար # : 2695-51
Այծի գլխին նստած արծվի քանդակ է, ունի պաշտամունքային բնույթ: Եղնիկի գլխի և արծվի քանդակի զուգորդությունն ուսումնասիրողների կարծիքով խորհրդանշում են լուսինը և արևը: Հավաքածու : Հնագիտական հավաքածու Դարաշրջան ։ Ք․ա․ 1-ին դ․ Տարածաշրջան : Խոր Վիրապ Նյութ : Բրոնզ Ինվենտար # : 2370
Հարթակի վրա կանգնած առյուծի սնամեջ քանդակ է: Գլուխը խոշոր է` պսակված թավ բաշով, ականջները փոքր են, ցցված: Աչքերը` խոշոր, դուրս պրծած, կենտրոնում` խորը փոսորակով նշված են ակնախոռոչները: Երախը` ատամնաշարով, բաց է: Վերին ծնոտին թույլ ռելյեֆով ընդգծված է մորթին: Իրանը կլոր է, սնամեջ` զարդարվ [...]
Սեպաձև շեղբով, միաձույլ, խողովակաձև կոթառով դաշույն է: Երկսայր են: Դաշույնի շեղբը զարդարված է գալարվող օձի պատկերով: Դաստակը և գլխիկը զարդարված են սեպաձև կտրվածքներով, որոնց ներսում պահպանվել են փայտե ներդիրի մնացորդներ։ Հավաքածու : Հնագիտական հավաքածու Դարաշրջան ։ Ք․ա. XIII-XII դդ. Տարա [...]
Սակր ձուլածո՝ սայրը կլոր եզրերում կեռված: Ելուստավոր, երկարուկ կոթառը հիմքում ունի եղևնաձև գծազարդ և օվալաձև միջանցիկ անցք` բռնակի համար: Սակրի բռնակն ունի բրոնզե ծայրապանակ, որի հարթ մակերեսին փորագրված է սվաստիկա, իսկ կողային եզրը զարդարված է սեպաձև կտրվածքներով: Ծայրապանակի մեջ պահպան [...]
Արձանիկի խարսխաձև պատվանդանն ունի վեր ուղղված եռանկյունաձև ելուստներ, որոնց միջնամասում առկա են եռանկյունաձև կտրվածքներ։ Հիմնամասից վեր է խոյանում կլոր պատվանդանը, որն ավարտվում է սափորաձև հավելումով։ Սափորաձև հավելման իրանի ստորին մասում արված են սուր ծայրը ներքև ուղղված եռանկյունաձև հա [...]
Արձանիկն ամրացված է քանդակազարդ քառակող պատվանդանին, որի երկու ծայրերը կենդանագլուխ են: Թռչնի քանդակը պտտվում է առանցքի շուրջ։ Թռչունն ունի արտահայտիչ կտուց և ակնակապիճներ։ Իրանին առկա են եռանկյունաձև հանվածքներ։ Խարսխաձև պատվանդանի եզրերին արված են ոչխարի գլխի պատկերով մանրաքանդակներ։ Հ [...]
Միաձույլ դաստակով դաշույնն ունի եռանկյունաձև շեղբ, որի կենտրոնով անցնում են ակոսներ։ Դաշույնի կլոր դաստակը զարդարված է եռանկյունաձև, փայտով ագուցված հանվածքներով և շրջանաձև երիզով, իսկ գլխիկը՝ փայտով ագուցված խաչաձև կտրվածքներով։ Դաշույնի պատյանի մի կողմը զարդարված է եռանկյունաձև հանվածք [...]
Տղամարդը ձախ ձեռքում կրում է կիսագլանաձև վահան, իսկ վեր պարզած աջ ձեռքում՝ տերևաձև ծայրով երկար նիզակ, գլխին՝ եղջյուրաձև, բարձր ելուստով սաղավարտ: Նման արձանիկները կապվում են ռազմի, երկնային տարերքի և պտղաբերության հավատալիքների հետ: Հավաքածու : Հնագիտական հավաքածու Դարաշրջան ։ Ք․ա. IX [...]
Երկմետաղ դաշույն է։ Շեղբը պատրաստված է երկաթից, քայքայված, իսկ կոթառը՝ բրոնզից։ Կոթառն ամբողջական է, վրան առկա են եռանկյունաձև զարդանախշեր։ Հավաքածու : Հնագիտական հավաքածու Դարաշրջան ։ Ք․ա. X-IX դդ․ Տարածաշրջան : Աստղի բլուր Նյութ : Բրոնզ, երկաթ Ինվենտար # : 2428-214