#IMD_2021

«Գոգնոցն ու գոտին հայոց ավանդական մշակույթում»

«Դրվագներ ինքնության. տարազ» ցուցահանդեսի շրջանակներում տեղի ունեցավ դասախոսություն՝ «Գոգնոցն ու գոտին հայոց ավանդական մշակույթում» թեմայով: Զեկույցով հանդես եկավ պ. գ. թ., ազգագրագետ պատմական գիտությունների թեկնածու Կարինե Բազեյանը, ով ներկայացրեց, թե ինչ նյութերից և գեղազարդման որ ձևերով են պատրաստվել գոտիներն ու գոգնոցները հայոց ավանդական մշակույթում, ինչպես նաև անդրադարձավ դրանց զարդանախշերի խորհրդանշական իմաստներին:

#IMD_2021

«Կանանց XVIII-XXդդ․ հայկական զարդերի խորհրդանշական իմաստները»

«Դրվագներ ինքնության. տարազ» ցուցահանդեսի շրջանակներում տեղի ունեցավ դասախոսություն՝ «Կանանց XVIII-XXդդ․ հայկական զարդերի խորհրդանշական իմաստները» թեմայով: Զեկույցով հանդես եկավ Հայաստանի պատմության թանգարանի ազգագրության բաժնի ավագ գիտաշխատող, ազգագրագետ Աստղիկ Իսրայելյանը, ով ներկայացրեց XVIII-XXդդ. հայկական զարդերի կիրառման եղանակները՝ դիտարկելով դրանք ժողովրդական սովորույթներում, ավանդույթներում, տոներում և ծեսերում։ Զեկույցի ընթացքում Ա. Իսրայելյանը անդրադարձավ զարդերի տարատեսակներին, զարդաձևերին և նախշերի խորհրդանշական իմաստներին։

#IMD_2021

«Հայկական տարազի ոսկեթել և ոսկեքուղ ասեղնագործությունը»

Օրեր առաջ «Դրվագներ ինքնության. տարազ» ցուցահանդեսի շրջանակներում տեղի ունեցավ դասախոսություն՝ «Հայկական տարազի ոսկեթել և ոսկեքուղ ասեղնագործությունը» թեմայով: Զեկույցով հանդես եկավ ՀՀ ժողովրդական վարպետ Լուսինե Մխիթարյանը, ով ներկայացրեց ոսկեթելի ստացման եղանակը և կիրառման տարբերությունները, ասեղնագործության տարատեսակները, դրանց տեխնիկական առանձնահատկությունները:

#IMD_2021

Շենգավիթ հնավայրից պեղված արժեքավոր հավաքածու

Մարտի 24-ին Հայաստանի պատմության թանգարանը հյուրընկալեց Ֆենիքս Սարդարյանին և Արտաշես Սարգսյանին, ովքեր նվիրեցին բազմավաստակ հնագետ Սանդրո Սարդարյանի՝ ժամանակին Շենգավիթ հնավայրից պեղված արժեքավոր հավաքածուն։ 170 իրից բաղկացած այս եզակի գտածոները (քարե և կավե արձանիկներ, բրոնզե զարդեր, ոսկրե և օբսիդյանե աշխատանքային գործիքներ, շքասեղներ և այլն) կօգնեն նորովի արժևորել շենգավիթյան յուրօրինակ ժառանգությունը։

#IMD_2021

Հանդիպում Թաղավարդ գյուղի պաշտպանների հետ

2021թ․ հունվարի 26-ին Հայաստանի պատմության թանգարանը հյուրընկալեց Արցախի Թաղավարդ գյուղի պաշտպանությանը մասնակցած կամավորների, ովքեր պատերազմի ժամանակ կարողացել էին իրենց պաշտպանական ամրությունները կառուցել հազարաշեն տանիքի եղանակով (հազարաշենի առավելությունն այն է, որ կարելի է կառուցել առանց մետաղական ամրակալների, ու չնայած դրան՝ այն ամուր է, դիմացկուն։ Մեծ ուժի գործադրման դեպքում անգամ չի փլվում)։ Հանդիպման ընթացքում տղաները պատմեցին, թե […]

#IMD_2020

Արցախի Հանրապետություն․ զուգահեռներ՝ անցյալից դեպի ապագա

Հոկտեմբերի 31-ին, Հայաստանի պատմության թանգարանում, «Պատիվ և իրավունք» խորագրով ցուցադրված հայ զորավարների հաղթական սրերի ցուցասրահում բանախոսությամբ հանդես եկավ ԵՊՀ Հայոց պատմության ամբիոնի պրոֆեսոր, պատմական գիտությունների դոկտոր Աշոտ Ներսիսյանը։ Բանախոսության թեման շատ արդիական էր՝ նվիրված մերօրյա արցախյան հերոսամարտին՝ պատմական իրադարձությունների ընդգրկումով:

#IMD_2020

Պատիվ և իրավունք

Հոկտեմբերի 25-ին պատիվ ունեցանք թանգարանում իր ձեռքից նվեր ընդունել մեր ժամանակների հաղթական զորավարներից մեկի՝ Արցախի հերոս, լեգենդար հրամանատար, գեներալ-մայոր Արկադի Տեր-Թադևոսյանի խորհրդանշական սուրը։ «Պատիվ և իրավունք» խորագրի ներքո ցուցադրված հայ զորավարների հաղթական սրերին ավելացավ ևս մեկը, որը գեներալին էր նվիրել իր մարտական ընկերը։ 1839 թ․ թվագրվող սրի վրա հետևյալ արձանագրությունն է փորագրված ․ «Նվեր գեներալ […]

#IMD_2020

Կոմանդոս. խոհեր ռազմաճակատից, երեկ և այսօր

Հոկտեմբերի 24-ին Հայաստանի պատմության թանգարանում բանախոսությամբ հանդես եկավ արցախյան ազատամարտի լեգենդներից մեկը՝ Արցախի ինքնապաշտպանական ուժերի հրամանատար, գեներալ-մայոր Արկադի Տեր-Թադևոսյանը (Կոմանդոս): Հանդիպմանը լեգենդար հրամանատարը ներկայացրեց իր խոհերն արցախյան ազատամարտից, սիրով պատասխանեց ներկաների հարցերին։

#IMD_2020

Հայաստանը 2600 տարվա քարտեզներում և Ադրբեջանը – ?

Հոկտեմբերի 17-ին Հայաստանի պատմության թանգարանում բանախոսությամբ հանդես եկավ հայ աշխարհագրագետ և քարտեզագետ Ռուբեն Գալիչյանը: Ցուցադրվեց թե ինչպես, դեռ մ. թ. ա. 6-րդ դարից «Հայաստան» անունով երկիրը գոյություն է ունեցել օտարների բոլոր քարտեզներում: Հակառակ այն պարագային, որ 6-7 դար Հայաստանն անկախ պետություն չի ունեցել, բայց և այնպես նրա անունը նշված է տարածաշրջանը ցուցադրող բոլոր քարտեզներում, և […]

#IMD_2020

Զորավար Անդրանիկ. հայահավաքի և հողահավաքի բանաձևը

Հոկտեմբերի 10-ին Հայաստանի պատմության թանգարանում բանախոսությամբ հանդես եկավ Ե. Չարենցի անվան գրականության և արվեստի թանգարանի տնօրեն, գրող, գրականագետ, բ. գ. թ, Կարո Վարդանյանը՝ ներկայացնելով Զորավար Անդրանիկի հագեցած գործունեության վերջին շրջանը՝ 1918-1919 թթ.՝ զուգահեռելով այն այսօրվա մարտահրավերների և իրավիճակի հետ։ Մուտքի տոմսերի ողջ հասույթը փոխանցվելու է հայկական բանակին: